Здружението на граѓани за младински активизам, граѓанска еднаквост и европска иднина ЕКВИЛИБРИО е непрофитна, доброволна, независна и непартиска асоцијација на граѓани, формирана со нивно слободно здружување, независно од нивната национална, верска и полова припадност ,заради вршење на активности во насока на остварување на целите и задачите наведени во овој Статут.
Здружението во својата визија ги гледа самите граѓани како активни и конструктивни учесници во креирањето на поквалитетно општество , како и иницијатори и организатори на активности кои ќе го збогатат нивниот живот и работа во рамките на општеството.
Мисија на организацијата е да ја реализира својата визија преку:
- 1) Поттикнување на свеста и младинскиот активизам преку младинска работа и неформално образование.
- 2) Зголемување на улогата на младите во општеството.
- 3) Афирмација на правата и слободите на обесправените и маргинализирани поединци и групи.
- 4) Промовирање на основните демократски вредности и принципи.
- 5) Промовирање на европските вредности во Република Македонија и застапување на идејата за нејзино интегрирање во Европската унија и НАТО алијансата преку организирање и учество во разни активности.
- 6) Организирање на јавни дебати и настани, на кој полесно би се артикулирале идеите и замислите на граѓаните.
- 7) Залагање за отстранување на културните бариери и промовирање на толеранција и соработка.
- 8) Спроведување на заеднички проекти на членовите со слични организации од земјава и надвор од неа.
